Безнадзейнасьць... Страшнае слова... Срэбны рыцар упаў з каня. Вербы хіляць над ім галовы, Плача дождж на сыходзе дня. Па шчыце барабаняць кроплі, Прапаўзае сьмела мураш... Не падыме рыцар ніколі Свой цяжкі баявы палаш... А вароны сабе кружляюць, І ніжэй усё, і ніжэй... І грамнічную сьвечку паліць Тая, што за ўсё даражэй... І тваё адступае войска, І зямля твая – у агні. Сьвечка плача гарачым воскам, Ды ня бачыш ты з вышыні.
|
|